INFO:

Jueves 13 re li po Marzo 2025 San Mateo 7, 7-12 “Chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru. Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru. “Ma wank tab'i' junaq eere laa'ex tixb'aanu a'in: wi li ralal tixpatz' xwa, tixk'e raj junaq pek re; ut wi tixpatz' junaq xkar, ma k'anti' tab'i' tixk'e re? Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik leechoxahil Yuwa' ink'a' tixk'e li q'axal chaab'il reheb' li neke'tz'aamank chiru! “Jo'ch'inal jo'nimal li teeraj raj naq te'xb'aanu eere leeras eeriitz'in, cheb'aanuhaq ajwi' laa'ex reheb' a'an, xb'aan naq a'an a'in xyaalal li Chaq'rab' ut eb' li Propeet. Raatin Li Qaawa'